Yaxın Şərqdəki münaqişə hələ də həll olunmayıb. Rusiya prezidentinin mətbuat katibi Dmitri Peskov jurnalistlərə açıqlamasında vəziyyətin yenidən “hərbi münaqişəyə” çevrilməyəcəyinə ümid etdiyini bildirib.
Kremlin sözçüsü bildirib ki, “Razılığa gəlməyin mümkün olmadığını nəzərə alsaq, [Yaxın Şərqdə] münaqişə potensialı qalır. Vaşinqtondan İran sahil xəttinin blokadası ilə bağlı müəyyən açıqlamalar eşidirik, lakin bunun nə ilə nəticələnəcəyini hələ də anlamırıq”.
Peskovun sözlərinə görə, baş verənlər qaçılmaz olaraq beynəlxalq səviyyədə müxtəlif sektorlarda mənfi nəticələrə səbəb olacaq. “Lakin vəziyyət hələ də həll olunmayıb. Ümid edirəm ki, yenidən silahlı münaqişəyə çevrilməyəcək”, – deyə o, yekunlaşdırıb. (Tass)