Bakı Şən və Hazırcavablar Klubunun (ŞHK) prezidenti, “Bakılı oğlanlar” komandasının kapitanı Anar Məmmədxanovun həyatı və fəaliyyəti insanlara daim örnək olub.
“Report” xəbər verir ki, bunu Xalq artisti, Xəzər Media Mərkəzinin Baş direktoru Murad Dadaşov A.Məmmədxanovun anım mərasimində deyib.
M.Dadaşov bildirib ki, onun şən olduğu qədər də ciddi və məsuliyyətli xarakterinin sintezi yeni, müasir Azərbaycan obrazını əks etdirirdi:
“Anarın ölümündən 15 il ötür. Hər birimiz üçün böyük hədiyyə olan Anarın ən böyük arzularından biri Qarabağ idi. Hazırda ruhu şaddır. Çünki onun arzuladığı tarixi artıq reallıqda yaşayırıq. Ümid edirəm ki, Anarın övladları və nəvələri də ən azı onun qədər Azərbaycan tarixində iz qoyacaqlar”.