Türkiyə Ukrayna münaqişəsinə danışıqlar yolu ilə son qoymaq və İran ətrafındakı vəziyyəti sülh yolu ilə həll etmək üçün səylər göstərir. Bu barədə Türkiyə Prezidenti Rəcəb Tayyib Ərdoğan alman həmkarı Frank-Valter Ştaynmayer ilə telefon danışığında bildirib.
Ərdoğan ofisinin kommunikasiya şöbəsi onun sözlərini sitat gətirib: “Prezident Ərdoğan qeyd edib ki, [Yaxın Şərqdə] regiondakı müharibə Avropanı zəiflətməyə başlayır və əgər bu tendensiya sülhə yönəlmiş yanaşma ilə geri qaytarıla bilməzsə, münaqişənin vurduğu ziyan xeyli böyük olacaq. O, həmçinin bildirib ki, Türkiyə münaqişələrə danışıqlar yolu ilə son qoymaq və Ukrayna-Rusiya müharibəsində, eləcə də İran məsələsində davamlı sülhə nail olmaq üçün səylər göstərir”.
Çərşənbə günü Ərdoğan NATO-nun baş katibi Mark Rutte ilə Ukraynadakı nizamlanmanı və Yaxın Şərqdəki münaqişəni müzakirə edib. (Tass)