ABŞ prezidenti Donald Tramp bildirib ki, gələcəkdə Hərbi Dəniz Qüvvələrinin istefa verən katibi Con Felanı yenidən öz administrasiyasına dəvət edə bilər.
Ağ Ev rəhbəri “Truth Social”da yazıb: “Con Felan geniş hörmətə malik ağıllı və güclü bir insandır. Hərbi Dəniz Qüvvələri katibi vəzifəsindən ayrılmaq qərarına gəlsə də, onun gördüyü işi çox yüksək qiymətləndirirəm və gələcəkdə onun Tramp administrasiyasına qayıtmasını mütləq görmək istərdim”.
Çərşənbə günü Pentaqonun İctimaiyyətlə Əlaqələr üzrə köməkçi katibi Şon Parnell X-də Felanın “administrasiyadakı vəzifəsindən dərhal ayrıldığını” açıqlayıb. O, istefasının səbəbini açıqlamadı və əlavə edib ki, Felanın birinci müavini Hanq Kao Dəniz Qüvvələri katibinin səlahiyyətlərini müvəqqəti olaraq yerinə yetirəcək.(Tass)