ABŞ prezidenti Donald Trampın iştirakı ilə Ağ Evdə İsrail və Livanın Vaşinqtondakı səfirləri Yeçiel Laiter və Nada Hammad-e-Mouavad arasında məsləhətləşmələrin yeni mərhələsi keçiriləcək. Bu barədə Axios portalının və İsrail Televiziya Kanalı 12-nin müxbiri Barak Ravid məlumat verib.
“Prezident Tramp bu günortadan sonra Ağ Evdə İsrail və Livan səfirlərini ikinci danışıqlar raundu üçün qarşılayacaq”, – deyə o, X-də yazıb.
Aprelin 14-də İsrail və Livan arasında 43 ildən sonra ilk birbaşa danışıqlar raundu baş tutdu. Görüş ABŞ Dövlət katibi Marko Rubionun iştirakı ilə Vaşinqtonda baş tutdu. Hər iki tərəfi ABŞ-dakı səfirləri də təmsil edib. (Tass)