Azərbaycan COP və WUF platformaları vasitəsilə gələcək üçün mühüm irs formalaşdırır. COP və WUF təşəbbüsləri bir-biri ilə sıx bağlıdır və Azərbaycan şəhərsalma təşəbbüslərinin ekoloji layihələrə inteqrasiyasına xüsusi önəm verir.
AZƏRTAC xəbər verir ki, bunu Bakıda BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində “Münaqişə və həssas şəraitdə şəhərsalma məsələlərində həllər vasitəsilə sülhə əsaslanan iqlim fəaliyyəti” mövzusunda tədbirdə Dövlət Şəhərsalma və Arxitektura Komitəsinin Aparat rəhbərinin müavini, WUF13-ün milli əlaqələndiricisinin müavini Gülşən Rzayeva bildirib.
O, Azərbaycanın postmüharibə dövründə həyata keçirdiyi genişmiqyaslı quruculuq və bərpa işlərindən bəhs edərək bildirib ki, Azərbaycan postböhran və postmünaqişə vəziyyətləri üçün yeni inkişaf modeli formalaşdırır. “Bu təşəbbüslər yalnız şəhər və icmaların yenidən qurulmasına deyil, eyni zamanda regionda sülhün möhkəmlənməsinə xidmət edir”, – deyə o qeyd edib