Britaniya Yayım Korporasiyası (BBC) bildirib ki, Konqo Demokratik Respublikasında (KDR) və Uqandada Ebola epidemiyası gözləniləndən daha sürətli yayıla bilər.
O xatırladıb ki, ÜST-ün məlumatına görə, bu günə qədər ölümcül qızdırmanın 500-dən çox şübhəli halı aşkar edilib. Lakin, Böyük Britaniyanın Tibbi Tədqiqat Şurasının (MRC) mütəxəssislərinin hesablamaları göstərir ki, tibb mütəxəssisləri halların “əhəmiyyətli bir hissəsini” izləyə bilməyiblər. MRC modelləşdirməsi göstərir ki, artıq 1000-dən çox yoluxma halı ola bilər.
Ümumdünya Səhiyyə Təşkilatının (ÜST) sözçüsü Anne-Marie Anchia BBC-yə bildirib ki, epidemiyanın episentri olan Konqonun İturi əyaləti “əhalinin hərəkətliliyinin əhəmiyyətli dərəcədə artdığı təhlükəli bir ərazi” hesab olunur. Bu, ÜST-ün epidemiyanın izlənməsi və nəzarətdə saxlanılması səylərini çətinləşdirir. “Bu epidemiyanın araşdırılmasını nə qədər çox aparsaq, onun artıq sərhəddən digər əyalətlərə yayıldığını bir o qədər yaxşı başa düşürük”, – deyə o bildirib.