“Güclü Ermənistan” partiyasının lideri, rusiyalı iş adamı Samvel Karapetyan bildirib ki, baş nazir seçilərsə, təşkilatın faydalı olmadığı aydın olarsa, Ermənistanı KTMT-dən çıxarmağa hazırdır.
“İlk növbədə, biz KTMT-nin niyə belə davrandığını, Rusiyanın niyə belə davrandığını araşdırırıq. Əgər sizin [jurnalistin] dediyiniz kimi, bunun mənasız bir təşkilat olduğunu görsək, təbii ki, oradan çıxacağıq”, – deyə o, mətbuat konfransında bildirib.
O qeyd edib ki, problemlərin səbəbi, bəlkə də, Ermənistan hakimiyyətinin KTMT ilə əməkdaşlıq edə bilməməsidir. (Tass)