Afrika Xəstəliklərə Nəzarət və Profilaktika Mərkəzlərinin nümayəndəsi brifinqdə bildirib ki, Uqandada səkkizinci Ebola yoluxması halı təsdiqlənib.
Onun sözlərinə görə, xəstə əvvəllər yoluxmuş şəxslərlə təmasda olanlar üçün səlahiyyətlilər tərəfindən yaradılmış karantin müəssisəsində aşkar edilib. Xəstənin vəziyyəti və vətəndaşlığı açıqlanmayıb.
Yeni yoluxma halı bu yaz Uqandada Ebola virusuna yoluxanların ümumi sayını səkkizə çatdırıb. Bir nəfər ölüb.
Yoluxanlar arasında qonşu Konqo Demokratik Respublikasının (KDR) üç vətəndaşı da var. Epidemiyanın episentri Uqanda ilə həmsərhəd olan Konqonun İturi əyalətidir. Mayın 26-da Uqanda KDR ilə sərhədini bağladı.