ABŞ Maliyyə Nazirliyi Hörmüz boğazından keçən gəmilər üçün ödəniş sistemi yaratmaq cəhdlərini cəzalandıracaq. Bu barədə ABŞ Maliyyə Naziri Skott Bessent bildirib.
O, X-də yazıb: “Amerika Birləşmiş Ştatları hökuməti Hörmüz boğazından keçid üçün rüsum sistemi tətbiq etmək cəhdlərinə dözməyəcək. Xüsusilə, Oman bilməlidir ki, ABŞ Maliyyə Nazirliyi boğazdan keçid üçün rüsum tətbiq edilməsini asanlaşdırmaqda birbaşa və ya dolayı yolla iştirak edən hər hansı iştirakçını qətiyyətlə təqib edəcək və bunu etmək istəyən hər hansı tərəfdaş sanksiyalara məruz qalacaq”. (Tass)