TRT Haber xəbər verir ki, Türkiyə və ABŞ prezidentləri Rəcəb Tayyib Ərdoğan və Donald Tramp arasında danışıqlar Ankaradakı Beştəpə prezident kompleksində başlayıb.
Tramp NATO sammitində iştirak etmək üçün Ankaraya gəlib və hava limanında Ərdoğan tərəfindən şəxsən qarşılanıb. İki prezident arasında qısa danışıqlar da orada baş tutub.
Türkiyə mediasının məlumatına görə, Ərdoğan-Tramp danışıqlarının gündəliyinə Ukraynada nizamlanma və Türkiyə tərəfində danışıqların bərpası, müdafiə sənayesi sahəsində əməkdaşlıq, xüsusən də Kaan qırıcı təyyarəsi üçün Türkiyəyə 700 milyon dollar dəyərində mühərrik tədarükü, Amerikanın Düşmənlərinə Sanksiyalar Vasitəsilə Qarşı Mübarizə Qanunu (CAATSA) çərçivəsində məhdudiyyətlərin aradan qaldırılması və Ankaranın F-35 qırıcı təyyarələrinin istehsalı proqramına qayıtması daxildir. Türkiyə və ABŞ liderləri həmçinin iqtisadi əməkdaşlığı, xüsusən də ikitərəfli ticarət dövriyyəsinin 100 milyard dollara çatdırılmasını müzakirə etmək niyyətindədirlər.
Beştəpədə keçiriləcək ikitərəfli görüşdən sonra Tramp alyansın zirvə toplantısına başlamaq üçün NATO liderləri ilə rəsmi şam yeməyində iştirak edəcək.