Türkiyə Müdafiə Nazirliyi ABŞ tərəfindən tətbiq edilən CAATSA sanksiyalarının ləğvini, eləcə də müdafiə sənayesinə tətbiq edilən bütün digər məhdudiyyətlərin aradan qaldırılacağını gözlədiyini bildirib.
Müdafiə Nazirliyinin sözçüsü Ankarada keçirilən mətbuat brifinqində bildirib ki, “Güclü və təsirli NATO müttəfiqi olaraq, Türkiyə Alyansın çəkindirmə qabiliyyətlərinə və ümumi təhlükəsizliyinə əhəmiyyətli töhfələr verməyə davam edir. Alyansın ruhuna uyğun olmayan CAATSA sanksiyalarının, eləcə də müdafiə sənayemizə qoyulan bütün açıq və dolayı məhdudiyyətlərin aradan qaldırılmasını gözləyirik”.
Agentlik qeyd edib ki, ABŞ Prezidenti Donald Trampın sanksiyaların ləğvi perspektivi ilə bağlı açıqlamalarını “alqışlayır”.
Nazirlik əlavə edib ki, “Biz məhdudiyyətlərin tətbiqi əvəzinə müttəfiqlərimizlə qarşılıqlı etimad və həmrəyliyi təşviq edən bir yanaşmaya sadiqik”. (Tass)