NATO-nun Bombardier Challenger 650 Artemis II kəşfiyyat və hədəf toplama təyyarəsi Qara dənizin cənubundakı neytral sular üzərində müşahidə edilib. Bu barədə TASS-a Aİ hava nəqliyyatının idarə olunması dairələrindəki mənbə bildirib.
Agentliyin mənbəsi bildirib ki, “Kəşfiyyat təyyarəsi heç bir ölkənin hava məkanına girmədən, Cənubi Qara dənizdə neytral sular üzərindən qərbdən şərqə və geriyə uçur”. O qeyd edib ki, təyyarə bir neçə aydır yerləşdiyi Konstansa hava limanından havaya qalxıb və sonra Rumıniya və Bolqarıstan hava nəqliyyatı dispetçerləri tərəfindən nəzarət edilən uçuş zonalarından keçərək sular üzərindən uçub. “Təyyarə mülki aviasiya üçün yaradılmış dəhlizlərdən kənarda, təxminən 10,5 kilometr yüksəklikdə uçur”, – mənbə qeyd edib.