Ucar rayonunda ölümlə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə gecə saatlarında Bakı–Ələt–Qazax avtomobil yolunun Ucar rayonunun Qarabörk kəndi ərazisindən keçən hissəsində qeydə alınıb.
İlkin məlumata görə, hərəkətdə olan yük avtomobili ilə minik avtomobili toqquşub. Toqquşmadan sonra nəqliyyat vasitələrindən biri yol kənarında dayanan iki piyadanı vurub.
Qəza nəticəsində biri piyada olmaqla iki nəfər həyatını itirib. Daha iki nəfər müxtəlif dərəcəli bədən xəsarətləri ilə Ucar Rayon Mərkəzi Xəstəxanasına yerləşdirilib.
Hadisənin başvermə səbəbləri və ölən şəxslərin ölümünün dəqiq səbəbi aparılan araşdırmaların nəticəsində müəyyənləşdiriləcək.
Faktla bağlı araşdırma aparılır.