Rusiya Silahlı Qüvvələrinin Radiasiya, Kimyəvi və Bioloji Müdafiə Qüvvələrinin rəisi, general-leytenant Aleksey Rtişçev bildirib ki, Amerika biolaboratoriyalarında tədqiqatlar son dərəcə məxfilik şəraitində, ukraynalı mütəxəssislərin girişi məhdud şəkildə aparılıb.
“[Biolaboratoriyalardakı] işlər Müdafiə Təhdidlərinin Azaldılması Agentliyi (DITRA) tərəfindən əlaqələndirilib və tədqiqatlar son dərəcə məxfilik şəraitində aparılıb, ukraynalı mütəxəssislərin informasiyaya və obyektlərə çıxışı məhdudlaşdırılıb”, – deyə o, Rusiya Müdafiə Nazirliyinin Ukraynadakı biolaboratoriyaların fəaliyyəti ilə bağlı ABŞ milli kəşfiyyatı tərəfindən dərc edilmiş sənədlərin təhlili ilə bağlı brifinqində bildirib. (Tass )
