ABŞ-ın Venesuela neftini oğurlamaq niyyəti yoxdur; Vaşinqton sadəcə Venesuela enerji təchizatından satışları və pul vəsaitlərinin axınını nəzarətdə saxlamağa çalışır. Bu barədə ABŞ-ın Energetika naziri Kris Rayt bildirib.
O, CNBC-yə verdiyi müsahibədə bildirib ki, “Biz Venesuelada satışları və pul vəsaitlərinin hərəkətini yalnız ona görə idarə edirik ki, vəsaitlər Venesuela xalqının həyatını yaxşılaşdırmaq və amerikalılar üçün riskləri azaltmaq üçün istifadə olunsun. Biz heç kimin neftini oğurlamırıq.”
Eyni zamanda, Rayt bildirib ki, artıq 3 yanvarda, Venesuelada Amerika əməliyyatının keçirildiyi gün üç böyük neft şirkətinin rəhbərlərinə Bolivar Respublikasında işləmək perspektivləri ilə bağlı zəng edib.
O, həmçinin qeyd edib ki, neft şirkətləri hələ Venesuelaya böyük məbləğdə investisiya qoymağa hazır deyillər. “Onlar gələn həftə Venesuelada yeni infrastruktura milyardlarla dollar investisiya qoyacaqlarmı? Qətiyyən yox, çünki şərtlər dəyişməlidir. Lakin onlar bu prosesdə məhsuldar məsləhətçi və vasitəçi olmaq istəyirlər”, – deyə Rayt bildirib. (Tass)