Amerika Birləşmiş Ştatları İranla yekun razılığa gəlmək üçün danışıqları davam etdirmək istəyir. Bu barədə “The Wall Street Journal”a Amerikanın İslam Respublikasına hücumlarının başlamasından sonra mənbə bildirib.
Onun sözlərinə görə, Vaşinqton “İranın Hörmüz boğazındakı hərəkətlərini qəbuledilməz və sərt cavab almağa layiq” hesab edib. Eyni zamanda, amerikalı rəsmi qeyd edib ki, ABŞ yekun razılaşmanın bağlanması məqsədilə İranla danışıqları davam etdirmək istəyir.
Daha əvvəl ABŞ Mərkəzi Komandanlığı İslam Respublikasının Hörmüz boğazında gəmilərə qarşı etdiyi iddia edilən hücumlara cavab olaraq İrana qarşı bir sıra güclü zərbələr endirdiyini açıqlamışdı. (Tass)