İspaniya hökuməti İtaliyadan gələn səyahətçilər üçün liman və hava limanlarında müvəqqəti olaraq daxili sərhəd nəzarəti tətbiq etmək qərarına gəlib. Bu barədə “El País” qəzeti məlumat yayıb.
Onun sözlərinə görə, nəzarət tədbirləri avqustun 8-də qüvvəyə minəcək və səyahətçilərin şəxsiyyət sənədlərinin və vətəndaşlığının yoxlanılmasını əhatə edəcək. Bu yoxlamalar təsadüfi şəkildə aparılacaq və dəyişən şərait bu müddətdə dəyişiklik tələb etmədiyi təqdirdə, sentyabrın 7-dək qüvvədə qalacaq.
İyulun sonlarında on minlərlə sənədsiz immiqrant, şəhəri Mərakeşdən ayıran dalğaqırandan yan keçərək üzmək və piyada getməklə İspaniyanın muxtar şəhəri Seutaya çatdı. Böhran fonunda İspaniya hakimiyyəti şəhərdə təhlükəsizliyin təmin edilməsi üçün ordu yerləşdirmək qərarına gəldi. Sənədsiz immiqrantların böyük əksəriyyətinin artıq Mərakeşə qayıtdığı güman edilir.
Bundan sonra İtaliya İspaniya ilə Şengen Sazişini müvəqqəti olaraq dayandırdı. İspaniya Xarici İşlər Nazirliyi də öz növbəsində bu qərarı əsassız adlandırıb. (Tass)