Axios mənbələrə istinadən xəbər verir ki, ABŞ ordusu İran hakimiyyətinin razılığı olmadan Hörmüz boğazından milyonlarla barel neftin gizli şəkildə daşınmasını təşkil edib.
Onların məlumatlarına görə, hər gün Oman sahilləri boyunca boğazın cənub kanalından 15-20 tanker keçir və Yaxın Şərqdən təxminən 10 milyon barel neft ixrac edir ki, bu da müharibədən əvvəlki səviyyənin təxminən yarısına bərabərdir.
“Artıq iki aydır ki, cənubi Hörmüzə nəzarət edirik. İslam İnqilabı Keşikçiləri Korpusu problem yarada bilər, amma onlar boğaza nəzarət etmirlər. Biz nəzarət edirik”, – deyə “Axios” əməliyyatla tanış olan mənbəyə istinadən bildirib.
ABŞ hərbi mütəxəssislərindən ibarət komanda əməliyyatı Vaşinqtonun Yaxın Şərq tərəfdaşları ilə əlaqələndirir və Hörmüz boğazından keçməsi planlaşdırılan gəmilərin gündəlik siyahısını tərtib edir. Hər gecə ABŞ Hərbi Hava Qüvvələrinin qırıcı təyyarələrinin müşayiəti ilə bu gəmilər vaxtaşırı olaraq yoxlama məntəqələrinə hesabat verərək neft yükləyir və boşaldır. (Tass)