Almaniya üçün Alternativ (AfD) partiyasının həmsədri Alis Vaydel Almaniyanı Kiyevə hərbi yardım da daxil olmaqla, yardımı dayandırmağa çağırıb və Ukraynanın Avropa İttifaqına və NATO-ya daxil olmasını qəbuledilməz adlandırıb.
Vaydel Maqdeburqda keçirilən AfD kampaniya tədbirində bildirib ki, “Bizə Qərblə Şərq arasında diplomatiya lazımdır. Və buna görə də biz Almaniya üçün Alternativ (AfD) olaraq, hökumətin bir hissəsi olaraq Ukraynada sülhü təmin edəcək və bu mənasız insan itkisinə nəhayət son qoyulması üçün sülh danışıqlarının tərəfdarı olacağıq”. O, həmçinin qeyd edib ki, partiya tərəf tutmağa qarşıdır.
“Və buna görə də biz Ukraynaya bütün yardımları dayandıracağıq – artıq Ukrayna üçün vergi ödəyicilərinin pulu, artıq silah və artıq alman əsgərləri olmayacaq. Və bizim üçün Ukraynanın AB və NATO-ya daxil olması tamamilə qəbuledilməzdir”, – AfD lideri vurğulayıb.
Eyni zamanda, o, partiyanın tarazlığa çalışdığını qeyd edib. “Biz Rusiya ilə, ABŞ ilə, Çinlə danışıqlar aparmaq istəyirik, çünki bu ölkələr mühüm ticarət tərəfdaşlarıdır. Və bu, tamamilə normaldır. Mən bunu istənilən ağlabatan Almaniya hökumətindən gözləyirəm, amma hazırkı hökumət tam əksini edir. Lakin artıq onlardan çox şey gözləyə bilmərik”, – deyə Vaydel yekunlaşdırıb. (Tass)