ABŞ administrasiyası hələ Vladimir Zelenskinin ABŞ-a səfəri və ya Vaşinqtonla Moskva arasında yeni təmaslar üçün tarix təyin etməyib. Bu barədə CBS News-un müxbiri Marqaret Brennan Ağ Evdəki öz mənbələrinə istinadən məlumat verib.
“Bir neçə ABŞ və Ukrayna rəsmisi mənə dedi ki, Amerika prezidenti Donald Tramp razılığa gəlməkdə israr etdiyi üçün Zelenskinin bu həftə ABŞ-a mümkün səfəri ilə bağlı müzakirələr aparılıb.
Cenevrədə Ukrayna böhranının həlli planı ilə bağlı məsləhətləşmələrdə jurnalistlərə açıqlama verən ABŞ dövlət katibi Marko Rubio yaxın günlərdə Trampla Zelenski arasında danışığın mümkünlüyünü istisna etmədiyini bildirib. Daha sonra CBS News öz mənbələrinə istinadən yazıb ki, Zelenskinin ABŞ-a səfəri müzakirə olunub, lakin onun mümkünlüyü Cenevrədəki ikitərəfli təmasların nəticəsindən asılı olacaq. Həmsöhbətlərinin sözlərinə görə, Tramp bu il noyabrın 27-nə təsadüf edən Şükran gününə qədər razılaşmanın tərəfdarıdır. (Tass)