Kopenhagen sammitində Aİ liderləri blokun təhlükəsizliyini gücləndirmək üçün konkret təşəbbüsləri, o cümlədən “dron divarı”nı müzakirə edəcəklər. Bu barədə Avropanın “Politico” nəşri avropalı rəsmiyə istinadən məlumat yayıb.
“Kopenhagendə liderlər çox açıqlanan pilotsuz təyyarə divarı da daxil olmaqla, ümumi müdafiə məqsədlərimizi irəli aparacaq xüsusi təşəbbüslərin və birgə layihələrin inkişafını müzakirə edəcəklər” dedi. O, görüşün səbəbi kimi Rusiyanın AB-nin hava məkanını pozması iddiasını göstərib.
Oktyabrın 1-də Danimarka paytaxtında Aİ liderlərinin qeyri-rəsmi sammiti keçiriləcək.
“Dron divarı” Almaniya, Polşa, Finlandiya və Baltikyanı ölkələrin Rusiya ilə sərhəddə çoxlaylı monitorinq sistemi və avtomatlaşdırılmış pilotsuz uçuş əleyhinə müdafiə sistemlərinin yerləşdirilməsinə yönəlmiş birgə təşəbbüsdür. Layihə hazırda inkişaf və prototip seçimi mərhələsindədir. (Tass)