Almaniya hökumətinin ABŞ-ın Ukrayna üçün nəzərdə tutulmuş silahları Yaxın Şərqə göndərməyi nəzərdən keçirdiyinə dair heç bir daxili məlumatı yoxdur. Bu barədə Almaniya hökumətinin sözçüsü Stefan Kornelius brifinqdə jurnalistlərə bildirib.
“Bu məsələ ilə bağlı öz məlumatımız yoxdur”, – deyə o bildirib.
Almaniya Müdafiə Nazirliyinin sözçüsü Mitko Müllerin qeyd etdiyi kimi, nazir Boris Pistorius əvvəllər bu məlumatları təsdiqləyə bilməyəcəyini bildirmişdi. Müller xatırladıb ki, Almaniya PURL sxemi (Kiyev üçün Avropa ölkələri tərəfindən Amerika silahlarının alınması ) çərçivəsində Ukraynaya 700 milyon dollarlıq yardım paketi maliyyələşdirir. Almaniya Müdafiə Nazirliyinin sözçüsü vurğulayıb ki, “burada razılaşdırılmamış bir şeyin baş verdiyinə dair heç bir məlumatımız yoxdur”.