Almaniya hökuməti ehtiyatı gücləndirmək və hərbi obyektlərin tikintisini sürətləndirmək üçün qanun layihələrini qəbul edib. Bu barədə Almaniyanın müdafiə naziri Boris Pistorius mətbuat konfransında jurnalistlərə bildirib.
“Nazirlər Kabineti bu gün ehtiyat qüvvələrinin gücləndirilməsi və Bundesver infrastrukturunun tikintisini sürətləndirmək üçün qanun layihəsini qəbul etdi”, – deyə o bildirib. Pistorius qeyd edib ki, hakimiyyət orqanları sözdə ikili könüllülük prinsipini ləğv edir. “İndiyə qədər həm işəgötürənlər, həm də ehtiyatda olanlar hərbi xidmətə qəbul olunmağa razı olmalı idilər. Qanun layihəsinə əsasən, bu, ləğv edilir”, – deyə o izah edib. Beləliklə, ehtiyatda olanların təlimdə iştirakı məcburi olacaq və işəgötürənin razılığını tələb etməyəcək.
Təhlükəsizlik böhranı baş verərsə, hətta bu, milli müdafiə məsələsi olmasa belə, dövlət ehtiyatda olan əsgərləri müddətsiz xidmətə çağıra biləcək. Bu, “hibrid təhdid” kimi böhran vəziyyətlərinə aiddir. (Tass)