Avropada Təhlükəsizlik və Əməkdaşlıq Təşkilatının (ATƏT) baş katibi Feridun Sinirlioğlu Ukraynadakı münaqişənin sülh yolu ilə həlli üzrə danışıqların bərpasına çağırıb.
“Həm müttəfiqlər, həm də düşmənlər arasında diplomatik əlaqələr bu gün həmişəkindən daha vacibdir. Ümid edirəm ki, davam edən diplomatik səylər müharibənin sona çatmasına gətirib çıxaracaq. Mən tərəfləri Ukraynadakı münaqişədə danışıqları davam etdirməyə və məhbusların azad edilməsi də daxil olmaqla, etimad quruculuğu tədbirləri barədə razılığa gəlməyə çağırıram”, – deyə o, Vyanada keçirilən mətbuat konfransında bildirib. (Tass)