Avropa Komissiyası (AK) turistləri qorxutmamaq üçün Avropa hökumətlərini təyyarə yanacağı çatışmazlığı ilə bağlı panikaya düşməməyə çağırıb. Bunu Kiprdə keçirilən Aİ nəqliyyat nazirlərinin qeyri-rəsmi görüşünü açarkən Nəqliyyat və Turizm üzrə Avropa Komissarı Apostolos Tsitsikostas bildirib.
Avropa Komissarı bildirib ki, “Ən pis ssenariyə hazırlaşmalıyıq, eyni zamanda bayram mövsümü öncəsi sərnişinlər arasında mənfi gözləntilər və ya hətta panik yaradacaq həddindən artıq həyəcan verici açıqlamalar verməkdən çəkinməliyik. Əgər hava sərnişinlərimiz və ya üçüncü ölkələrdən gələn turistlər bilet sifariş etmək üçün kifayət qədər əmin deyillərsə, hava səyahəti böhranı gözlədiyimizdən daha tez baş verəcək.”
Öz növbəsində, Tsitsikostas Avropa Komissiyasının hələlik “Avropada təyyarə yanacağı çatışmazlığı əlamətlərini görmədiyini”, lakin aviaşirkətlərə çatışmazlığın aradan qaldırılması üçün tövsiyələr hazırladığını və vəziyyəti həftəlik olaraq izləmək niyyətində olduğunu əmin edib. (Tass)