Avropa Komissiyası (AK) sentyabrın 19-da və ya 22-də Rusiyaya qarşı rəsmi olaraq yeni sanksiyalar paketi təklif edə bilər.Bu barədə Avropanın “Politico” nəşri diplomatlara istinadən məlumat yayıb.
Onların sözlərinə görə, Avropa Komissiyası bəyan edib ki, növbəti anti-Rusiya məhdudiyyətlər paketi “cümə və ya bazar ertəsi gözlənilməlidir”. Lakin bir neçə məmur bunun daha əvvəl elan oluna biləcəyini qeyd edib.
Avropa Komissiyası daha əvvəl Rusiyaya qarşı məhdudiyyətlərin yeni mərhələsini gözlənildiyi kimi sentyabrın 17-də təqdim edə bilməyərək qeyri-müəyyən müddətə təxirə salmışdı. “Politico”nun fikrincə, gecikmə Aİ-nin diqqətini Rusiyaya qarşı yeni sanksiyaların tətbiqindən Slovakiya və Macarıstana “Rusiya neftindən asılılığını azaltmaq” üçün təzyiq göstərməyə dəyişməsi ilə bağlıdır. “Handelsblatt” qəzeti AB mənbələrinə istinadən yazıb ki, 19-cu paket sentyabrın 19-da təqdim oluna bilər. (Tass)