Vaşinqton administrasiyası Ukrayna nümayəndə heyəti ilə noyabrın 30-da Floridada keçirilməsi planlaşdırılan məsləhətləşmələr zamanı ərazi və Kiyev üçün təhlükəsizlik təminatları ilə bağlı mübahisəli məsələləri həll etməyə ümid edir. Bu barədə Axios portalı məlumat yayıb.
Nəşrdə qeyd edildiyi kimi, Ukrayna münaqişəsinin nizamlanması üzrə Amerikanın yeni planı ilə bağlı ötən həftə Cenevrədə keçirilən görüşdə iki ölkənin nümayəndələri “iki məsələdən başqa bütün məsələlər: ərazi və təhlükəsizlik təminatları” üzrə ilkin razılıq əldə ediblər. ABŞ-ın rəsmi mənbəsi portala bildirib ki, Ağ Ev qalan iki məsələ ilə bağlı fikir ayrılıqlarını noyabrın 30-dək həll etmək istəyir: “Ukraynalılar bizim onlardan nə gözlədiyimizi bilirlər”.
Bu arada “ Financial Times” adı açıqlanmayan Ukrayna rəsmilərinə istinadən yazır ki, Amerikanın Ukrayna üçün sülh planının ən çətin məqamları ABŞ prezidenti Donald Tramp və Vladimir Zelenski tərəfindən “həll üçün təxirə salınıb”. “Ukrayna rəsmilərinin fikrincə, bu məsələlərə ərazi məsələləri, təhlükəsizlik təminatları və Ukraynanın NATO-ya üzv olmaq istəkləri ilə bağlı dil daxildir”, – qəzet yazır. (Tass)