Volodymyr Zelenskyy Ukrayna üçün sülh planını yekunlaşdırmaq üçün mümkün qədər tez, ola bilsin ki, 27 Noyabr Şükran Günündə ABŞ prezidenti Donald Trampla görüşmək istəyir. Bu barədə Zelenskinin aparat rəhbəri Andrey Yermaka istinadən Axios məlumat yayıb.
Portal bildirir ki, Tramp çərşənbə axşamı axşam Şükranlıq Günü üçün Vaşinqtonu tərk edəcək və bazar gününə qədər Floridadakı Mar-a-Laqo malikanəsində qalmağı planlaşdırır. Yermak görüşün bayram günlərində keçirilməsinin simvolik əhəmiyyət daşıya biləcəyini söyləyib.Portal Yermakdan sitat gətirir: “Ümid edirəm ki, Zelenskinin səfəri mümkün qədər tez baş tutacaq, çünki… bu, prezident Trampın müharibəni bitirmək üzrə tarixi missiyasını davam etdirməsinə kömək edəcək”.
Daha əvvəl Ukrayna Milli Təhlükəsizlik və Müdafiə Şurasının katibi Rustem Umerov bəyan etmişdi ki, Kiyev Zelenskinin Trampla sülh planını müzakirə etmək üçün noyabrın sonuna kimi ABŞ-a səfərini gözləyir. Lakin sonradan mediada Zelenskinin Trampla yeni münaqişədən ehtiyat edərək yaxın həftələrdə ABŞ-a səfərini ləğv etdiyi barədə xəbərlər yayıldı.(Tass)