Azərbaycan və Keniya arasında enerji sektorunun müxtəlif istiqamətlərində əməkdaşlıq imkanları nəzərdən keçirilib, insan kapitalının inkişafı, təcrübə mübadilələrinin aparılması ətrafında fikir mübadiləsi aparılıb.
“Report” bu barədə Azərbaycan Dövlət Neft Şirkətinə (SOCAR) istinadən xəbər verir.
Məlumata görə, bu gün SOCAR prezidenti Rövşən Nəcəf Keniya Prezidenti Uillyam Samoei Ruto ilə görüş keçirib.
Görüşdə dövlət başçısına SOCAR-ın strateji hədəfləri, Azərbaycanda və onun hüdudlarından kənarda həyata keçirdiyi enerji layihələri barədə ətraflı məlumat verilib.