Azərbaycanın Ailə, Qadın və Uşaq Problemləri üzrə Dövlət Komitəsinin sədri Bahar Muradovanın rəhbərlik etdiyi nümayəndə heyəti Naxçıvanda səfərdədir.
“Report”un yerli bürosu xəbər verir ki, B.Muradova səfər çərçivəsində Naxçıvan şəhərində Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin inzibati binasında vətəndaşları qəbul edəcək.
Qəbulda vətəndaşların ailə, qadın və uşaq məsələləri ilə bağlı ərizə, müraciət və təkliflərinə baxılacaq.
Gün ərzində bir sıra görüşlərin keçirilməsi nəzərdə tutulur.