Beynəlxalq Cinayət Məhkəməsinin (BCM) üzvü olan Dövlətlər Assambleyasının Rəyasət Heyəti Burkina Faso, Mali və Nigeri Roma Statutundan çıxmamağa çağıraraq, üç ölkənin hakimiyyət orqanlarının atdığı hərəkətlərdən təəssüfləndiyini bildirib. Bu barədə qurumun bəyanatında bildirilir.
Qeyd olunur ki, Məhkəmə rəhbərliyi Roma Statutundan çıxan dövlətlərin “ədaləti təmin etmək üçün kollektiv səyləri sarsıda və cəzasızlığa qarşı qlobal mübarizəni zəiflədə bilər” deyə qiymətləndirir. Həmçinin vurğulanır ki, bütün dövlətlər Assambleya daxilində “narahatlıqlarını bildirmək hüququna malikdirlər” və Statutdan çıxma bir ölkənin müqaviləyə üzvlüyü zamanı üzərinə götürdüyü öhdəliklərdən azad etmir.