Şimali Atlantika Alyansı Bəhreyn, Küveyt, Qətər və BƏƏ-dən nümayəndələri Ankarada keçiriləcək NATO sammitinə dəvət etmək niyyətindədir. Sammitdə İran ətrafındakı münaqişə əsas mövzu olacaq. Bu barədə Bloomberg mənbələrə istinadən məlumat yayıb.
Onun sözlərinə görə, alyans tərəfindən 2004-cü ildə yaradılmış İstanbul Əməkdaşlıq Təşəbbüsünə daxil olan dörd Fars körfəzi ölkəsinin xarici işlər nazirləri 7-8 iyul tarixlərində keçiriləcək görüşdə iştirak edə bilərlər. Bloomberg mənbələri qeyd edir ki, qərar alyansın İranla bağlı münaqişə fonunda cənub cinahına diqqətini artırmaq niyyəti ilə əlaqələndirilir. Müzakirə həmçinin ABŞ prezidenti Donald Trampın Hörmüz boğazındakı vəziyyətlə bağlı NATO ölkələrini tənqid etməsindən sonra ABŞ və onun Avropa müttəfiqləri arasında yaranan fikir ayrılıqları fonunda keçiriləcək.
Agentliyin dəqiqləşdirdiyi kimi, sammitin əsas formatı ittifaq ölkələri liderlərinin iştirakı ilə məhdudlaşacaq, digər dövlətlərin nümayəndələri isə əlavə tədbirlərdə iştirak edə biləcəklər. (Tass)