Birləşmiş Ştatların Fələstin nümayəndə heyətinin üzvlərinə Baş Assambleyanın 80-ci sessiyasının yüksək səviyyəli həftəsi çərçivəsində tədbirlərdə iştirak etmək üçün viza verməsi məsələsində BMT indiyədək irəliləyişə nail ola bilməyib. Bunu dünya təşkilatının rəhbərinin rəsmi nümayəndəsi Stefan Düjarrik keçirdiyi brifinqdə deyib.
BMT daha əvvəl bildirmişdi ki, onun nümayəndələri Amerika hakimiyyət orqanları ilə viza məsələsini qaldırıblar. “Mən Fələstin Administrasiyası üçün vizalarla bağlı hər hansı irəliləyişdən xəbərsizəm” deyib Dujarrik.
Avqustun 29-da Dövlət Departamenti BMT Baş Assambleyasının sentyabrın sonunda Nyu-Yorkda keçiriləcək 80-ci sessiyasının ümumi siyasət müzakirələri ərəfəsində Fələstin Azadlıq Təşkilatının üzvlərinə və Fələstin Muxtariyyətinin rəsmilərinə, o cümlədən Fələstin prezidenti Mahmud Abbasa viza verilməsindən imtina edib. (Tass)