Hörmüz boğazından gəmiçiliyin təhlükəsizliyi ilə bağlı BMT Təhlükəsizlik Şurasının yeni qətnamə layihəsində İrana qarşı sanksiyaların tətbiqi ilə bağlı müddəalar yoxdur. Lakin sənəddə Təhlükəsizlik Şurasının gələcəkdə məhdudiyyətlər tətbiq edə biləcəyi göstəriləcək. Bu barədə BƏƏ-nin BMT-dəki daimi nümayəndəsi Məhəmməd Əbu Şahab bildirib.
O, dünya qurumunun qərargahında jurnalistlərə bildirib ki, “Qətnamə İrana qarşı sanksiyalar tətbiq etməsinə icazə verməsə də, [BMT Nizamnaməsinin] 7-ci fəslinə əsasən, Şura öz qətnaməsində qərarlarının məcburi olduğunu və Şuranın buna ciddi yanaşdığını və qərarları yerinə yetirilmədiyi təqdirdə əlavə tədbirlər görə biləcəyini açıq şəkildə bildirəcək”.
BƏƏ-nin daimi nümayəndəliyinin rəhbəri sənəddə Hörmüz boğazından keçən gəmiçilikdə yaranan fasilələrin iqtisadi və humanitar təsirlərinin də vurğulandığını bildirib. (Tass)