Bolqarıstanın Baş naziri Rumen Radev hesab edir ki, Rusiyaya qarşı 36 ölkənin nümayəndələrinin dəstəklədiyi hərbi tribunalın yaradılması mənasızdır. Bolqarıstan lideri bu açıqlamanı qısa brifinqdə jurnalistlərin suallarını cavablandırarkən verib.
“Bolqarıstan həm xarici, həm də təhlükəsizlik siyasətində həmişə ümumavropa qərarlarını dəstəkləyib. Lakin Bolqarıstanın bu məsələlərdə öz fikrini bildirmək hüququ var. Mənim fikrim budur ki, belə bir hərbi tribunal bir ölkə məğlub olduqda, təslim olduqda və lideri əsir götürüldükdə məntiqlidir. Hesab edirəm ki, bu gün belə şərait mövcud deyil və yaranması ehtimalı azdır”, – Radev bildirib.
Əvvəllər əsasən Avropadan olan 36 dövlət Ukraynadakı münaqişə ilə əlaqədar Rusiya liderləri üçün xüsusi tribunal yaratmaq təşəbbüsünə qoşulmuşdu; dörd Aİ ölkəsi – Bolqarıstan, Macarıstan, Malta və Slovakiya – bu ideyanı dəstəkləməmişdi. (Tass)