Britaniya hökuməti həbsxana yerlərinin çatışmazlığı səbəbindən məhbusların vaxtından əvvəl azadlığa buraxılması proqramını davam etdirəcək. Bu barədə Baş nazir Endi Börnhem 10-cu gün bildirib.
Onun sözlərinə görə, təcavüz və uşaqlara qarşı ağır cinayətlərdə məhkum edilmiş şəxslər üçün istisnalar tətbiq olunacaq. Burnham mövcud vəziyyətə görə 2010-cu ildən 2024-cü ilə qədər hakimiyyətdə olan Mühafizəkarlar Partiyasını günahlandırıb. “Sistem artıq öz həddinə çatıb. Yeni cinayətkarların vaxtında həbs oluna bilməməsi riski var”, – deyə o yazıb.
Burnham bildirib ki, vaxtından əvvəl azadlığa buraxılan cinayətkarların qurbanlarının qəzəbini və narahatlığını “başa düşür və bölüşür”, lakin həbsxana sisteminin həddindən artıq yüklənməsi riski səbəbindən proqramı ləğv edə bilməz. “Belə bir nəticə cəmiyyəti böyük riskə məruz qoyar. Polis həbslər edə bilməz. Məhkəmələr yeni cinayətkarları həbsxanaya göndərə bilməz. Ədliyyə sistemimiz iflic olardı”, – deyə baş nazir bildirib.