Böyük Britaniyanın xarici işlər naziri İvet Kuper BBC-yə müsahibəsində bildirib ki, Böyük Britaniya atəşkəs rejiminə nəzarət etmək üçün Qəzza zolağına qoşun göndərməyi planlaşdırmır.
“Bu, bizim planlarımızda deyil. Bununla belə, ABŞ-ın yerlərdə baş verənlərdən xəbərdar olmaq, girovların azad edilməsi prosesinə, sövdələşmənin birinci mərhələsinin həyata keçirilməsinə və humanitar yardımın çatdırılmasına nəzarət etmək üçün monitorinq prosesinə dərhal rəhbərlik etməsi təklifi var. Lakin onlar (ABŞ ) açıq şəkildə bildirdilər ki, onlar qonşu ölkələrdən qoşunların olmasını gözləyirlər.”
Kuper həmçinin bildirib ki, Böyük Britaniya Qəzzanın yenidən qurulması üçün investisiya cəlb etmək üçün Misir və İordaniya da daxil olmaqla bir sıra ölkələrlə danışıqlar aparacaq.(Tass)