Seul Mərkəzi Rayon Məhkəməsi keçmiş prezident Yun Sok-yulun hökumətə mane olmaq da daxil olmaqla bir sıra kiçik ittihamlarla bağlı məhkəməsində qərarını açıqlayacaq. Bu, Yun Sok-yulun birinci instansiya məhkəməsinin hökm çıxaracağı ilk məhkəmə prosesi olacaq.
Bu məhkəmə prosesində prokurorlar 10 il həbs cəzası istəyiblər. Yun Sok-yul hazırda səkkiz məhkəmə prosesində təqsirləndirilən şəxsdir. Onlardan dördü 2024-cü ilin dekabrında hərbi vəziyyətin tətbiqi və sonrakı hadisələrlə bağlıdır. Cənubi Koreyanın ümumi yurisdiksiya məhkəmə sistemi apelyasiya məhkəməsi və Ali Məhkəmə daxil olmaqla üç səviyyədən ibarətdir..
Yanvarın 16-da hökumət məmurlarının vəzifələrini yerinə yetirməsinə mane olmaq ittihamı ilə bağlı hökm elan ediləcək. Dinləmə yerli vaxtla saat 14:00-da başlayacaq. 3 yanvar 2025-ci ildə prezident mühafizəçiləri hüquq-mühafizə orqanlarının parlament tərəfindən impiçment edilmiş, lakin Konstitusiya Məhkəməsi tərəfindən hələlik hakimiyyətdən birdəfəlik uzaqlaşdırılmamış Yun Sok-yulu həbs etməsinə mane olublar. O dövrdə o, müvəqqəti prezident hesab olunurdu, lakin səlahiyyətləri dayandırılmışdı. Korrupsiyaya Qarşı Mübarizə Agentliyi 15 yanvar 2025-ci ildə həbs qərarını icra etməyə müvəffəq oldu; ikinci cəhd zamanı prezidentin mühafizəçiləri heç bir əhəmiyyətli müqavimət göstərmədilər.