Tchad24 televiziya kanalının verdiyi məlumata görə , Çad hökuməti Sudanla sərhədini bağlamaq qərarına gəlib.
“Çad hakimiyyəti ərazisinə və sərhəd keçidlərinə təkrarlanan müdaxilələrə cavab olaraq Sudanla sərhədin dərhal bağlandığını elan etdi”, – deyə yayımçı qeyd edib.
Daha əvvəl “Sudan Tribune” qəzeti Çadın Sudan silahlı qruplarının ərazisinə nüfuz etməsinin qarşısını almaq üçün Qərbi Darfurla sərhəddəki əsas Adre keçid məntəqəsi də daxil olmaqla, Sudanla bir neçə sərhəd keçid məntəqəsini bağladığını bildirmişdi. Qəzetin məlumatına görə, bu addım Çad sərhədi yaxınlığındakı Şimali və Qərbi Darfur əyalətlərində müttəfiqlərin dəstəklədiyi Sudan ordusu ilə Sürətli Reaksiya Qüvvələri (SRRF) arasında döyüşlərin şiddətlənməsi fonunda atılıb.
Çad mediası şənbə günü RSF yaraqlılarının Tina şəhərindəki Çad ordusunun düşərgəsinə hücum etdiyini, bir neçə nəfərin öldüyünü və hərbi texnikanın məhv edildiyini bildirib. Ncamena hələlik hadisə ilə bağlı rəsmi açıqlama verməyib. (Tass)