Çin ABŞ-ı BMT Nizamnaməsinə riayət etməyə və regional fəlakətin qarşısını almaq üçün İrana qarşı güc tətbiq etmək planlarından imtina etməyə çağırır. Çinin BMT-dəki daimi nümayəndəsinin müavini Sun Lei bunu Təhlükəsizlik Şurasının İranla bağlı iclasında bildirib.
Çinli diplomat bildirib ki, “İstənilən hərbi macəra bölgəni yalnız gözlənilməz uçuruma doğru itələyəcək. Biz ABŞ-ı BMT Nizamnaməsinin məqsəd və prinsiplərinə riayət etməyə, güc tətbiqinə olan vəsvəsəsindən əl çəkməyə və bütün tərəfləri təmkinli olmağa çağırırıq”.
O, beynəlxalq sülh və təhlükəsizliyin qorunması üçün bütün iştirakçıların birgə çalışmasının vacibliyini vurğulayıb. (Tass)