Çin Xarici İşlər Nazirliyinin sözçüsü Quo Jiakun bildirib ki, ABŞ Milli Təhlükəsizlik Agentliyi (NSA) Çinin kritik infrastrukturuna kiberhücumları dayandırmalıdır.
“Çin ABŞ hökumətinin ölkəmizin kritik infrastrukturuna qarşı kiberhücumlarını qətiyyətlə pisləyir ki, bu da gələcək genişmiqyaslı dağıdıcı əməliyyatlara hazırlıqdır” deyə o, jurnalistlərin Pekinin “ABŞ müdaxilələrinin təkzibedilməz sübutları” ilə bağlı sualına, xüsusən də Çin Milli Təhlükəsizlik Mərkəzinə hücumu ilə bağlı sualına cavab verib.
Quo Jiakun qeyd edib ki , ABŞ “dünyanın ən böyük kiberhücum mənbəyidir”. Üstəlik, diplomat Pekini vaxtaşırı sübut olmadan müxtəlif haker hücumlarında iştirakda ittiham edən Vaşinqtonun bu cür hərəkətlərini “son dərəcə məsuliyyətsizlik” kimi qiymətləndirib.
“Çin israr edir ki, Birləşmiş Ştatlar ölkəmizin kritik infrastrukturuna kiberhücumları dərhal dayandırsın”, – rəsmi nümayəndə vurğulayıb. “Çin bütün lazımi tədbirləri görəcək və biz kiberməkanda və şəbəkə təhlükəsizliyində suverenliyimizi qətiyyətlə müdafiə edəcəyik”. (Tass)