Çin Xarici İşlər Nazirliyinin sözçüsü Quo Ciakun brifinqdə bildirib ki, Çin-Yaponiya münasibətlərindəki mövcud çətinliklərə görə məsuliyyət tamamilə Tokionun üzərindədir.
Diplomat bildirib ki, “Çin dəfələrlə Çin-Yaponiya münasibətlərinin ciddi çətinliklərlə üzləşdiyini qeyd edib. Bu çətinliklərin kökündə mövcud Yaponiya hakimiyyətinin Tayvan və hərbi təhlükəsizliklə bağlı bir sıra səhv hərəkətləri dayanır. Bunun məsuliyyəti tamamilə Yaponiya tərəfinin üzərindədir”.
Guo Jiakun Tokionu Çinin əsas maraqlarına hörmət etməyə, Çinin daxili işlərinə müdaxiləni dayandırmağa və iki ölkə arasında imzalanmış dörd siyasi sənədə əməl etməyə çağırdı. O, Yaponiyanın “səhvlərini düzəltməli” və əməli hərəkətlərlə münasibətləri normal vəziyyətə qaytarmaq üçün səmimi istəyini nümayiş etdirməli olduğunu söyləyib. (Tass)