ABŞ prezidenti Co Baydenin administrasiyası Donald Trampın andiçmə mərasimindən əvvəl Kiyevə “külli miqdarda silah” çatdırmaq üçün Ukraynaya silah tədarükünün sürətini artırmaq niyyətindədir. Bu barədə CNN telekanalı istefa verən Amerika prezidentinin administrasiyasındakı mənbələrə istinadən məlumat yayıb.
Telekanalın həmsöhbətlərindən birinin sözlərinə görə, ABŞ yanvarın ortalarına qədər Ukraynaya “yüz minlərlə artilleriya mərmisi, minlərlə raket, yüzlərlə zirehli maşın və digər zəruri avadanlıq” verəcək. Söhbət yeni yardım paketindən deyil, Bayden vəzifəsini tərk etməmişdən əvvəl Vaşinqtonun Kiyevə köçürmək istədiyi əvvəlcədən planlaşdırılan tədarüklərdən gedir. Bu işin idarələrarası koordinasiyası ABŞ prezidentinin milli təhlükəsizlik üzrə köməkçisi Ceyk Sallivana həvalə edilib.
Mənbələrin sözlərinə görə, Ukrayna üçün əsas problem silah yox, işçi qüvvəsinin çatışmazlığı olaraq qalır. “Hazırda Ukrayna öz cəbhədəki bölmələrini idarə etmək üçün kifayət qədər əsgəri səfərbər etmir və ya öyrətmir”, – deyə biri bildirib. (Tass)