Türk təhlükəsizlik eksperti Günger Yavuzaslanın sözlərinə görə, Türkiyə sahillərində tankerlərə edilən hücumlardan sonra hərbi gəmilərin mülki gəmiləri müşayiət etməsi üçün Qara dənizdə təhlükəsizlik dəhlizi yaradıla bilər.
“Qara Dəniz Taxıl Təşəbbüsü çərçivəsində yaradılmış taxıl dəhlizinə bənzər belə bir dəhliz (2022-ci ildə İstanbulda imzalanıb və bir il müddətinə qüvvədədir ) yaradıla bilər. Türkiyə Hərbi Dəniz Qüvvələri mülki gəmiçiliyin təhlükəsizliyini təmin etmək vəzifəsini öz üzərinə götürə bilər”, – ekspert CNN-türk telekanalında bildirib.
Hərbi ekspert Can Erenoğlu da oxşar fikri bildirib. “Dünyada açıq dənizlərdə mülki gəmilərin hərbi müşayiət nümunələri var. Türkiyə sahillərində tankerlərə edilən son hücumlarla əlaqədar bu cür tədbirlər Qara dənizdə həyata keçirilə bilər”, – o, NTV telekanalında qeyd edib. (Tass)