Dağıstanda Moskvadan Mahaçqalaya gedən sərnişin qatarı Kamaz markalı yük maşını ilə toqquşub. Fövqəladə Hallar Nazirliyinin regional şöbəsinin məlumatına görə, yük maşını sürücüsü ilkin olaraq xəsarət alıb.
“Rusiyanın Dağıstan Respublikasının Fövqəladə Hallar Nazirliyinə 112 sistemi vasitəsilə Babayurt rayonunun Babayurt kəndindəki dəmir yolu keçidində Kamaz yük maşınının və Moskva-Mahaçqala sərnişin qatarının qəzaya uğraması barədə məlumat daxil olub. İlkin məlumata görə, bir nəfər – Kamaz sürücüsü xəsarət alıb. 16-cı Yanğınsöndürmə və Xilasetmə Bölməsinin rəis müavini və 16-cı Yanğınsöndürmə və Xilasetmə Bölməsinin birinci yanğınsöndürmə briqadası hadisə yerinə kömək göstərmək və təfərrüatları yoxlamaq üçün göndərilib. Məlumat dəqiqləşdirilir”, – deyə açıqlamada bildirilir. (Tass)