Almaniyanın avtomobil istehsalçısı Daimler Truck Kiyevə təxminən 1000 yeni Zetros hərbi yük maşını tədarük etmək üçün sifariş alıb, Frankfurter Allgemeine Zeitung qəzeti öz mənbələrinə istinadən yazır.
Nəşr qeyd edib ki, şirkət əvvəllər bu tipli 200-dən çox yük maşını istehsal edib Ukrayna üçün Kiyevə çatdırıb. Onlar döyüş hissələrini təchiz etmək, şəxsi heyəti daşımaq və yaralıları təxliyə etmək üçün istifadə olunur. Daimler Truck yeni sifarişlə bağlı şərh verməkdən imtina etdi.
Daimler Truck dünyanın ən böyük yük maşını istehsalçısıdır. BharatBenz, Freightliner, FUSO, Mercedes-Benz, Setra, Thomas Built Buses və Western Star markaları altında traktorlar, yük maşınları və avtobuslar istehsal edir. Şirkət 2021-ci ildə ən böyük səhmdarı (35%) olan Mercedes-Benz Group-un spinoffu kimi yaradılıb.