Bugünkü vəziyyətdə çox insan depressiya sözünü düzgün anlamır. Bioenerji üzrə mütəxəssis Xəlil İbrahimovun fikrinə görə, mütaliəsizlik terminin qavranılasında əsas maneədir. Çox pasient bildirir ki, kimsə onu əsəbiləşdirib və ya başqa dayaz səbəblərdən depressiyaya düşüb. Lakin depressiya daha ağır ruhi-psixoloji haldır. İnsan uzun müddət kimləsə hər hansı müstəvidə ünsiyyətdə olur. Bu, işgüzar, ailə və digər sferalar ola bilər. Sonra anlayır ki, düzgün adamla yaxınlıq etməyib. Ruh, sanki, insandan etdiyi səhvin əvəzini istəyir. Lakin insan zamanı geri qaytara bilmir. Depressiyanın dalğası bu zaman start götürür.
