İsrail və Livan nümayəndə heyətləri ekspert və texniki səviyyələrdə Romada üç günlük məhsuldar məsləhətləşmələr aparıblar. Bu barədə ABŞ Dövlət Departamentinin sözçüsü jurnalistlərə bildirib.
Diplomat bildirib ki, “Danışıqlar başa çatıb və texniki və ekspert səviyyələrində məhsuldar olub. Pilot zonanın yaradılması prosesini irəli aparmaq və genişləndirmək üçün nələrin edilməsi lazım olduğuna dair hər iki tərəfin mövqeləri xeyli yaxınlaşıb”.
İyunun 26-da Livan və İsrail ABŞ-ın himayəsi altında Vaşinqtonda keçirilən beş raund danışıqlardan sonra çərçivə sazişi imzaladılar. Sazişə əsasən, Livan silahlı qüvvələri tədricən “ölkənin bütün ərazisi üzərində effektiv suveren nəzarəti” bərpa etməlidirlər. Sazişə İsrail qoşunlarının təxliyə ediləcəyi “pilot zonalar”ın yaradılması daxildir.