MDB-nin Səhiyyə ili çərçivəsində 2026-cı ildə Müstəqil Dövlətlər Birliyi (MDB) ölkələrində 90-a yaxın müxtəlif tədbir təşkil olunacaq. Bu barədə MDB Səhiyyə Əməkdaşlıq Şurasının Düşənbədə keçirilən 38-ci iclasında məlumat verilib, iştirakçılar Belarusun nümayəndəsi, Səhiyyə ili üzrə fəaliyyət planını hazırlayan ekspert qrupunun sədri Aleksandr Semenovun hesabatını dinləyiblər.
Onun sözlərinə görə, planın hazırlanmasında MDB-yə üzv dövlətlərin səhiyyə nazirlikləri, Birlik ölkələrinin Dövlətlərarası Humanitar Əməkdaşlıq Fondu, MDB Parlamentlərarası Assambleyasının Katibliyi, Birliyin müvafiq baza təşkilatlarının rəhbərləri, habelə Şuranın özünün komissiyaları və işçi qrupları iştirak ediblər.
Sentyabrda MDB Hökumət Başçıları Şurasının Minskdə keçirilən iclasında təsdiq edilmiş plan 10 əsas istiqamət üzrə 90-a yaxın tədbiri nəzərdə tutur. “Diqqət qeyri-infeksion xəstəliklərin qarşısının alınması, ilkin səhiyyə xidmətinin inkişafı, sanitar-epidemioloji rifahın təmin edilməsi, fövqəladə hallara reaksiya, səhiyyədə innovativ texnologiyaların, o cümlədən rəqəmsal texnologiyaların tətbiqinə yönəlib”, – Semenov deyib.